مساء العرسان اللى هندخلها القفص بس مش برجليها
لا بذكائنا ومخطاطتنا وحداقتنا
زمانكو بتقولو: اية يا ام بمبى محسسانا اننا داخلين على حرب!!
اة طبعا هى حرب
وعلى ادم حواء استخدام كافة الاسلحة المتاحة
للفوز بالحرب دة........لان البقاء للاذكى مش للاقوى
النهاردة هنتكلم عن حالة محددة
اللى هى ان فى عريس جاي البيت عندكو هو ومامتة
عشان ينقذوكى من شبح العنوسة
هتعملى اية؟ عشان مايكوتش منك
هنمشى خطوة خطوة
طبعا التحضير للقاء يبقى قبلها بشهر على الاقل
تلفى على كوافيرات منطقتكو كلهم اهو كل واحد
يحاول والباقى على ربنا....تعملى كل يوم حمام كريم
عشان شعرك المنشى دة بالصلاة على النبى
يتهد ويهمد ويخلى عندة دم ان شالله حتى بس الساعتين اللى
اللى قاعد فيهم العريس عندكو
ويومها بالله عليكو بلاش موضوع الكيرلى والميرلى دة
عشان ام العريس لو شافتك كدة هتقولة :
قوم بينا يبنى دة كارتة!!
خلية سايح ونايح على خلقتك وجيبى علبة كريم مثبت
حطيها كلها(مش وقت بخل خالص)
لما ام بمبى تقول كلها تبقى كلها
طبعا لازم حملة نظافة للشقة
تعالو على نفسكو انتى والعيلة الكريمة ابتدأ من السقف لحد الحيطان والارضيات
وطبعا مع الكلام دة كلة حملة تطهير للحشرات
لان منظرك هيبقى مش ولابد خالص لو لقيتى
صوصار طالعلك قدام عريس الغفلة
لا والنصيبة لو نسيتى نفسك وطلعتى تجرى وراة بالشبشب الذنوبة بتاعك
ساعتها هتكون جوازتك باظت بسبب حشرة بشنب
لما يجى اليوم الموعود تعالى على نفسك ياشابة واستحمى
عشان النظافة اهم من تسريحتك وهدومك
قبل ماتدخلى على المحروس ابقى اكتمى نفسك لحد
ما وشك يحمر ويورد كدة
وام العريس تغمز لابنها وتقولة حمار وحلاوة
او يقولو عنك وش كسوف!!!
بس ماتزودهاش يا اوختى لحسن تروحى لقدر الله
فيها وتبقى شهيدة ام بمبى
ادخلى وانتى مدلدلة راسك على صدرك
وتفضلى على الوضع دة طول القاعدة
هتقولى : ما انا كدة هتعب يا ام بمبى؟
هقولك يعنى تتعبى شوية وبعدين ماما تدهنك شوية سبرتو تروحى زى الحصان
ولا العريس يطير منك وتفضلى قاعدة فى ارابزنا؟
وكمان لاحظى وانتى واخدة الوضع دة
العريس مش هيعرف يدقق فى ملامحك
ومش هيبان المستخبى
تقعدى زيك زى الخرساء
يعنى بلاش حتة اللسان الزايد دة
بكرة ياما تتكلمى وهو مش هيعمل حاجة الا انة يسمع
(ماهو دة اللى بناخدة منهم دلوقت)
كمان مهما العريس يقول اى حاجة اياكى تعرضية
يعنى مثلا لو قال: اوباما صاحبى الانتيخ
قوليلة : ومالة...دة انا سمعتة مرة فى خطبة قدام مجلس الشيوخ جاب سيرتك وشكر فى هريسة الذرة اللى بتعملها
مامتك اوى......
لو مامتة موجودة اياكى وكلمة طنط دة خالص مالص
الكلمة دة بتجيب ارتكريا
وهتلاقيها نازلة هرش
فمنعا من انتشار الامراض الجلدية
قوليلها ماما..عمال على بطال
الكلمة دة هتزيل حواجز بينك وبينها كتير وبكرة تقولى ابلتى ام بمبى قالت
اوعى اخوكى الصغير مقصوف الرقبة
يدخل القاعدة يجر شكلك وانتى زى الهبلة تمسكى فى خناقة
لا خليكى طيوبة معاه واعملى فيها المحبة لاحباب الله
بس لو زودها بقى معاكى اقرصية من لباليبوة فى الخباثة كدة
وطبعا هيعيط
لو سألو بيعيط لية؟ قولى اصلة بيموت فية وخايف على فراقى
طبعا وانتى ماسكة بوقة لحسن يقول الحقيقة
لو مامتك وجهتلك كلام
طبعا مش هتبرقيلها وتزغورلها كالعادة
هتقوللها حاضر ياماما ...عيونى يا ماما....امرك يا ماما
طبعا الست الوالدة هتعمل كدة
ابقى اديها كتف خفيف او دوسى على رجلها
عشان تفوق من الصدمة من غير ما حد يحس
يلة ربنا يتمم بخيررررررررررر ادعو بتيسير امر زوجى امانه عليكم منقووووووووووووووول
