لو جوزك بيزعلك كتير ودايما واخد علي انك انتي اللي بتصالحيه ومش بتعرفي تزعلي منه..اقولك اولا حاولي تمسكي اعصابك ومترديش حتي لو زعق جامد..بعدين اختاري مرة يكون زعقلك من غير اي فعل منك يستحق زعل..يعني مش يكون زعيقه فيكي رد فعل علي حاجة انتي عملتيها لأ ن الرجالة دايما تقول: وانتي ليه تنرفزيني اصلا..؟..المهم خليه يغلط جامد وانتي ساكتة خالص بعد كده.. اتعاملي عادي خالص..اقصد يصحي يلاقيه فطاره جاهز ..هدومه جاهزه..كل حاجة طبيعي بس الكلام علي اد الضرورة..وحاولي كمان وشك مشي يبقي مكشر..هوه طبعا هيستني تصالحيه كالعادة..وهيكون ضميره مأنبه عشان انتي مردتيش وسكتي.. سيبيه كده يومين تلاته صدقيني هيجي هوه يصالحك وده عن تجربة شخصية..ده كمان هيحاول ميزعلكيش تاني..انا بقول هيحاول..اصل مفيش جوز مش بيزعل مراته
